«Barselona» hujumchisi Filippe Koutinyo Angliyaga qaytishi mumkin.
Goal.com xabariga ko‘ra, kataloniyaliklar qishda 29 yoshli braziliyalik futbolchi bilan xayrlashmoqchi.
Ayni dam «Liverpul» hujumchini qaytarish imkoniyatlarini ko‘rib chiqmoqda. Bu masala yaqin oylarda hal qilinishi kerak.
Ispaniya chempionatining joriy mavsumida Koutinyo to‘rtta uchrashuvda ishtirok etdi, lekin hech qanday samarali harakatlarni amalga oshira olmadi.
Eslatib o‘tamiz, Koutinyo allaqachon «Liverpul»da 2013 yildan 2018 yilgacha ham faoliyat yuritgan.
