Xabaringiz bor, Farg‘onaning "Neftchi" Pro Liga bahslarida muddatidan avval chempion bo‘lib Superliga yo‘llanmasini qo‘lga kiritishdi. Kechagi "Dinamo" bilan o‘yindan so‘ng (2:1) esa farg‘onaliklar bosh murabbiyi o‘z fikrlarini bildirib o‘tdi.
"Avvalom bor, bugungi g‘alaba bilan Farg‘ona ahlini, futbolchi va murabbiylarni tabriklayman. O‘zingiz guvoh bo‘ldingiz, chempionlikka erishish oson kechmadi. Har bir uchrashuvga oxirgi o‘yinga chiqqanday jang olib bordik va shuncha qilingan mehnatdan keyin oxirida bir qadam qolganda qiyin bo‘lishini bilardik. Lekin, yigitlarimiz barchasini uddaladilar. 90-daqiqaga kelib g‘alaba to‘pini kiritgan Sherzod Karimovga alohida minnatdorchilik bildiraman.
Rahbariyat tomonidan oldimizga qo‘yilgan mas’uliyatli vazifani bajardik va chempionlikni qo‘lga kiritdik. Bundan keyin ham 3ta o‘yinimiz bor. Mazkur bahslarga ham astoydil tayyorgarlik olib boramiz.
Viloyat hokimi Hayrullo Hayitboyevich Bozorovga yaratib berilgan imkoniyat va sharoitlar uchun jamoamiz nomidan kattadan-katta rahmatlar aytib qolamiz. Superligaga 3 yildan beri chiqa olmayotgan jamoa viloyatimiz hokimi Hayrullo Bozorovning katta e’tibor va g‘amho‘rliklari evaziga bu yil ushbu vazifani bajardik va maqsadimizga erishib,chempion bo‘ldik.
Keyingi bellashuvlarda o‘yin amaliyotiga ega bo‘lmagan futbolchilarga ham imkoniyat berib, ularni maydonga tushiramiz. Legionerlarimizning dekabr oyi oxiriga qadar jamoa bilan tuzgan shartnomalari mavjud. Ular mavsum yakunigacha jamoa bilan ishlashda davom etishadi",-dedi bosh murabbiy.
