Kecha Angliya Premyer-ligasida «Lester»dan mag‘lubiyatga uchraganiga qaramay, «Manchester Yunayted» yarimhimoyachisi Nemanya Matich mavsumning qolgan qismiga nisbatan optimistik kayfiyatda.
Serbning fikricha, «mankunianlar» haligacha Angliya chempioni bo‘lish uchun asosiy da’vogarlardan biri hisoblanadi.
«Bizda 14 ochko bor, shunday ekan hali chempionlik uchun kurashdan chetga chiqmadik. Hech kim oldindan taslim bo‘lmaydi.
Ha, natijalar umidsizlikka tushirishi mumkin, lekin buni tuzatish mumkin», - deya futbolchining so‘zlarini keltiradi klub matbuot xizmati.
Qolaversa, Matich muxlislardan uzr so‘radi va xatolar ustida ishlashga va’da berdi. Ma’lumot uchun, bu hafta «Manchester Yunayted» Chempionlar Ligasida «Atalanta» bilan to‘qnash keladi.
