Кеча Англия Премьер-лигасида «Лестер»дан мағлубиятга учраганига қарамай, «Манчестер Юнайтед» яримҳимоячиси Неманья Матич мавсумнинг қолган қисмига нисбатан оптимистик кайфиятда.

Сербнинг фикрича, «манкунианлар» ҳалигача Англия чемпиони бўлиш учун асосий даъвогарлардан бири ҳисобланади.

«Бизда 14 очко бор, шундай экан ҳали чемпионлик учун курашдан четга чиқмадик. Ҳеч ким олдиндан таслим бўлмайди.

Ҳа, натижалар умидсизликка тушириши мумкин, лекин буни тузатиш мумкин», - дея футболчининг сўзларини келтиради клуб матбуот хизмати.

Қолаверса, Матич мухлислардан узр сўради ва хатолар устида ишлашга ваъда берди. Маълумот учун, бу ҳафта «Манчестер Юнайтед» Чемпионлар Лигасида «Аталанта» билан тўқнаш келади.