Manchester shahrining ikki klubi bir futbolchi uchun kurashishi mumkin. "Fichajes" nashri xabariga ko‘ra, "MYU" hamda "Man Siti" Ispaniya klubi "Real Sosyedad" futbolchisi Aleksandr Isak transferiga qiziqish bildirmoqda.
Isak bu yil yozdagi Yevro-2020da ajoyib o‘yini bilan e’tibor qozongandi. 22 yoshli shvesiyalik transfer narxi ispaniyaliklar tomonidan 90 million yevro qilib belgilangan. Bu taxminan 76 million funtga to‘g‘ri keladi.
Bu narxni kelajagi bor o‘yinchi uchun to‘lash har ikki klub uchun muammo bo‘lmaydi. Negaki, har ikki hamshaharlarda hujum chizig‘i bilan bog‘liq muammolar mavjud.
