"Barselona" bosh murabbiyi Ronald Kuman klubning sobiq o‘yinchisi haqida gapirdi. U o‘z fikrida Dani Alveshning "Barsa"ga qaytishi bilan bog‘liq xabarlarga munosabat bildirdi:

"Klubdagi hech bir inson meni bu xabar haqida ogohlantirmadi. Shu sabab men unga biz tomondan shartnoma taklif etilganmi yoki yo‘q, bu haqida hech narsa bilmayman. Menimcha, bu haqiqat bo‘lganida men xabardor qilingan bo‘lardim".

Hozirda 38 yoshni qarshilagan braziliyalik futbolchi 2016 yilda "Barselona"ni tark etgan edi. U klub sharafini 8 yil davomida(2008-2016) himoya qilgan bo‘lib, bu vaqt ichida 391 ta uchrashuvda ishtirok etgan. Uning hisobida esa 21 ta gol va 101 ta assist mavjud.