"Барселона" бош мураббийи Рональд Куман клубнинг собиқ ўйинчиси ҳақида гапирди. У ўз фикрида Дани Алвешнинг "Барса"га қайтиши билан боғлиқ хабарларга муносабат билдирди:
"Клубдаги ҳеч бир инсон мени бу хабар ҳақида огоҳлантирмади. Шу сабаб мен унга биз томондан шартнома таклиф этилганми ёки йўқ, бу ҳақида ҳеч нарса билмайман. Менимча, бу ҳақиқат бўлганида мен хабардор қилинган бўлардим".
Ҳозирда 38 ёшни қаршилаган бразилиялик футболчи 2016 йилда "Барселона"ни тарк этган эди. У клуб шарафини 8 йил давомида(2008-2016) ҳимоя қилган бўлиб, бу вақт ичида 391 та учрашувда иштирок этган. Унинг ҳисобида эса 21 та гол ва 101 та ассист мавжуд.
