«Atletiko» yarimhimoyachisi Markos Lyorente Chempionlar ligasining 3-turida «Liverpul»ga qarshi o‘yinda (2:3) jarohat oldi.

Futbolchining o‘ng oyog‘idagi jarohati yana qaytalangan. Bu haqda «matraschilar»ning Tvitterdagi rasmiy sahifasida xabar berilmoqda.

Shu tariqa, ispaniyalik futbolchi 24 oktyabr kuni bo‘lib o‘tadigan «Real Sosyedad»ga qarshi uchrashuvda maydonga tushishi so‘roq ostida turibdi.

Umuman olganda, 26 yoshli Markos joriy mavsum barcha turnirlar doirasida 11 ta o‘yinda gol urmagan.