OFK Kubogining dastlabki yarim final o‘yini yakunlandi.

Qarshidagi "Markaziy" stadionda kechgan "Nasaf" va Gongkongning "Li Man" jamoalari o‘rtasidagi o‘yin tengma-teng kurashlar ostida kechdi. Dastlab, uchrashuvning 4-daqiqasida mezbonlarning burchakdan uzatgan to‘pi "Li Man" himoyachisi Resioga tegib darvoza to‘riga borib tushgan bo‘lsa, 26-daqiqada Husayn Norchayev hisobni ishonchli ko‘rinishga keltirdi - 2:0. Ikkinchi bo‘limni kutilmaganda mehmonlar anchagina faol tarzda boshlashdi. Dastavval, Gil 46-daqiqada hisobni qisqartirgan bo‘lsa, yana huddi o‘sha futbolchining faolligi evaziga "Li Man" vakillari penalti tepish huquqiga ega bo‘lishadi. Bu imkoniyatdan klubning boshqa bir legioneri Xose unumli foydalanib hisobni tenglashtiradi - 2:2. Jamoalar shu tarzda o‘yinning asosiy vaqtini yakunlashadi. Ekstra-taymlarning birinchisi yakunlanishiga bir necha daqiqa vaqt qolganda "ajdarlar"ning zahiradan maydonga tushgan hujumchisi Klauderovich gol uradi. Hisob o‘yin yakunigacha o‘zgarmaydi. Bu g‘alaba bilan qarshiliklar o‘z tarixdagi 2-finalga yo‘llanmani qo‘lga kiritishdi. Final 5-noyabr kuni o‘tkazilishi ko‘zda tutilgan.

OFK Kubogi

Yarim Final

Stadion: "Markaziy" (Qarshi)

"Nasaf" - "Li Man" - 3:2 (2:0,0:2,1:0,0:0)

Gollar: Resio 4 (1:0), Norchayev 26 (2:0), Gil 46 (2:1), Xose 64 (penalti) (2:2), Klauderovich 105+1 (3:2).

"Nasaf" - Umidjon Ergashev, Husniddin Aliqulov, Dilshod Saitov, Bahrom Abdurahimov, Husayn Norchayev, Suhrob Nurulloyev, Akmal Mozgovoy, Sherzod Nasrullayev, Oybek Bozorov, Marko Stanoyevich, Umarbek Eshmurodov

"Li Man" - Yuen Ho Chun (S), Fernando Resio Komi, Tsui Wang Kit, Yu Vai Lim, Jonatan Akosta, Diyego Eli Moreira, Jose Angel Martin, Ngan Lok Fung, Vong Chun Ho, Givanilton Ferreira, Kim Seung Yong