ОФК Кубогининг дастлабки ярим финал ўйини якунланди.

Қаршидаги "Марказий" стадионда кечган "Насаф" ва Гонгконгнинг "Ли Ман" жамоалари ўртасидаги ўйин тенгма-тенг курашлар остида кечди. Дастлаб, учрашувнинг 4-дақиқасида мезбонларнинг бурчакдан узатган тўпи "Ли Ман" ҳимоячиси Ресиога тегиб дарвоза тўрига бориб тушган бўлса, 26-дақиқада Ҳусайн Норчаев ҳисобни ишончли кўринишга келтирди - 2:0. Иккинчи бўлимни кутилмаганда меҳмонлар анчагина фаол тарзда бошлашди. Даставвал, Гил 46-дақиқада ҳисобни қисқартирган бўлса, яна ҳудди ўша футболчининг фаоллиги эвазига "Ли Ман" вакиллари пенальти тепиш ҳуқуқига эга бўлишади. Бу имкониятдан клубнинг бошқа бир легионери Хосе унумли фойдаланиб ҳисобни тенглаштиради - 2:2. Жамоалар шу тарзда ўйиннинг асосий вақтини якунлашади. Экстра-таймларнинг биринчиси якунланишига бир неча дақиқа вақт қолганда "аждарлар"нинг заҳирадан майдонга тушган ҳужумчиси Клаудерович гол уради. Ҳисоб ўйин якунигача ўзгармайди. Бу ғалаба билан қаршиликлар ўз тарихдаги 2-финалга йўлланмани қўлга киритишди. Финал 5-ноябрь куни ўтказилиши кўзда тутилган.

ОФК Кубоги

Ярим Финал

Стадион: "Марказий" (Қарши)

"Насаф" - "Ли Ман" - 3:2 (2:0,0:2,1:0,0:0)

Голлар: Ресио 4 (1:0), Норчаев 26 (2:0), Гил 46 (2:1), Хосе 64 (пенальти) (2:2), Клаудерович 105+1 (3:2).

"Насаф" - Умиджон Эргашев, Ҳусниддин Алиқулов, Дилшод Саитов, Баҳром Абдураҳимов, Ҳусайн Норчаев, Суҳроб Нуруллоев, Акмал Мозговой, Шерзод Насруллаев, Ойбек Бозоров, Марко Станоевич, Умарбек Эшмуродов

"Ли Ман" - Юэн Ҳо Чун (С), Фернандо Ресио Коми, Тсуи Wанг Кит, Ю Ваи Лим, Жонатан Акоста, Диего Эли Мореира, Жосе Ангел Мартин, Нган Лок Фунг, Вонг Чун Ҳо, Гиванилтон Ферреира, Ким Сеунг Ёнг