Xabaringiz bor, kecha APL 9-turni «Arsenal» - "Aston Villa" o‘rtasidagi uchrashuv boshlab berdi.
O‘yinda 3:1 hisobida mezbonlar g‘alaba qozonishdi. Mazkur g‘alabadan keyin «Arsenal» 14 ochko bilan APL jadvalida 9-o‘ringa ko‘tarilib oldi. Uchrahshuvdan keyin londonliklar ustozi Mikel Arteta jamoasini qo‘llab-quvvatladi va o‘z darajalarini ko‘rsatishganini aytib o‘tdi.
"Shogirdlarimning o‘yin boshidan ko‘rsatgan o‘yinlari va uslublarini ko‘rib juda ham rohatlandim.
Men buni "Kristal Pelas"ga qarshi o‘yindan keyin kiyim almashtirish xonasida aytganman. Ular o‘shanda ba’zi yuzaga kelgan vaziyatlardan qoniqishmagan va buni bajarish uchun ko‘proq mahorat va sifatga ega ekanliklarini bilishgan.
Biz bu haqda gaplashdik, ularda ajoyib reaksiya kuzatildi va ular yosh bahona bo‘lmasligini bilishadi. Biz buni o‘zgartira olmaymiz. Biz musobaqadagi eng yosh jamoamiz ba boshqa narsalarni o‘zgartirishimiz mumkin. Boshqa jihatlarni yaxshilash imkoniyatiga egamiz va hozir bu ish sodir bo‘ldi. Bugun shogirdlarim o‘zlari o‘ynay oladigan darajani namoyish etishdi va o‘ylaymanki, muxlislar bugungi o‘yindan zavqlanishdi".
"Aston Villa" bosh murabbiyi Din Smit ham o‘yin haqida o‘z fikrlarini bildirib o‘tdi.
"Bugungi o‘yinning birinchi bo‘limida xuddi mavsumning ilk bahsi - «Uotford»ga qarshi kechgan uchrashuv singari juda yomon harakat qildik. Jamoam jismonan tez-tez ustunlik erishadi, ammo bugun ular shu jihat bo‘yicha ustunlik qilishdi. Buni qabul qilish og‘ir va buni birinchi taymdan keyin shogirlarimga aytib o‘tdim. Ikkinchi bo‘limdagi o‘yindan qoniqish hosil qildim, ammo birinchi bo‘limdagidan emas. Bugun biz uchun haqiqatan ham og‘ir o‘yin bo‘ldi".
«Emireyts» stadionidagi mag‘lubiyat "Aston Villa" uchun Premyer-Ligadagi ketma-ket uchinchi mag‘lubiyat bo‘ldi. Keyingi uchrashuvlar «Tottenxem» va «Vulverxempton»ga qarshi o‘tkaziladi.
