Todofichajes nashrining ko‘ra, «Manchester Siti» hujumchisi Rahim Sterling klubdagi hozirgi mavqeidan norozi va qishki transfer oynasida Manchesterni tark etish niyatida. Futbolchi o‘zini Xosep Gvardiola qo‘l ostidagi asosiy futbolchi sifatida his qilmayapti va u ko‘proq o‘yin amaliyotiga ega bo‘lishni xohlaydi.

«Shaharliklar» futbolchini qo‘yib yuborishga qarshi emaslar, lekin ular buning uchun 80 million yevro talab qilishadi. Ko‘p klublarning moliyaviy ahvoli og‘irligini hisobga olsak, hamma ham bu summani to‘lay olmaydi.

Manbaga ko‘ra, Sterling «Pari Sen-Jermen» tomonidan nishonga olingan. Parijliklar inglizni klubni tark etmoqchi bo‘lgan Kilian Mbappaga muqobil deb bilishadi. Shuningdek, «qizil-ko‘klar» «Liverpul» hujumchisi Muhammad Salohga ham ko‘z tikishmoqda.