O‘zbekiston Superligasining 23-turidan joy olgan uch uchrashuv saylov arafasida namoyish etilmaydi.

Rejaga ko‘ra, 23-oktyabr kuni “Qo‘qon-1912” — “Lokomotiv”, 24-oktyabr kuni “So‘g‘diyona” — “Paxtakor” va 25-oktyabr sanasida “Andijon” — “Nasaf” uchrashuvlari jonli efirga olib chiqilishi kerak edi. Biroq O‘zbekiston Prezidentligi uchun saylov arafasida MTRK texnikalari haftaning asosiy voqeligiga jalb etilgan.

O‘zbekiston Professional futbol ligasi barcha yurtdoshlarimizni saylov jarayonlarida faol bo‘lishga va huquqlaridan foydalanib, erkin ovoz berishda ishtirok etishga chaqiradi. Yuqoridagi uch uchrashuv Mycujoo platformasi orqali jonli ko‘rsatiladi.