«Real» bosh murabbiyi Karlo Anchelotti Lionel Messi, Serxio Ramos va Krishtianu Ronalduning La Ligadan ketishi «Barselona»ga qarshi klasiko intrigasiga qanday ta’sir ko‘rsatdi degan savolga javob berdi.

«Ikkala jamoa ham o‘zgarmoqda, lekin bizni baribir ajoyib o‘yin kutib turibdi. Jismoniy jihatdan biz yaxshilanmoqdamiz.

Hozircha Ansu Fati yoki Vinisius kabi futbolchilar qanday cho‘qqilarga chiqa olishlarini bilmayman, lekin bilamizki, «klasiko» har doim juda katta uchrashuv bo‘lib kelgan.

Menda ham Krishtianu va Messi maydonda bo‘lgan paytlardagidek tuyg‘ular bor. Bu juda o‘ziga xos o‘yin. Hozir jamoalarda boshqa futbolchilar bor, lekin menimcha, «Barselona» yoshlari zo‘rroq formada.

«Klasiko»ni Messisiz, Krishtianu va Ramossiz ko‘rishga o‘rganishimiz kerak», - deydi Anchelotti.