«Реал» бош мураббийи Карло Анчелотти Лионель Месси, Серхио Рамос ва Криштиану Роналдунинг Ла Лигадан кетиши «Барселона»га қарши класико интригасига қандай таъсир кўрсатди деган саволга жавоб берди.
«Иккала жамоа ҳам ўзгармоқда, лекин бизни барибир ажойиб ўйин кутиб турибди. Жисмоний жиҳатдан биз яхшиланмоқдамиз.
Ҳозирча Ансу Фати ёки Винисиус каби футболчилар қандай чўққиларга чиқа олишларини билмайман, лекин биламизки, «класико» ҳар доим жуда катта учрашув бўлиб келган.
Менда ҳам Криштиану ва Месси майдонда бўлган пайтлардагидек туйғулар бор. Бу жуда ўзига хос ўйин. Ҳозир жамоаларда бошқа футболчилар бор, лекин менимча, «Барселона» ёшлари зўрроқ формада.
«Класико»ни Мессисиз, Криштиану ва Рамоссиз кўришга ўрганишимиз керак», - дейди Анчелотти.
