"Inter" yarim himoyachi Marselo Brozovich bilan yangi shartnoma borasida muzokara olib bormoqda.
Jurnalist Nikolo Skiraning so‘zlariga ko‘ra, ayni damda tomonlar futbolchining maoshi masalasida kelisha olmayapti. Klub 28 yoshli xorvatga 2025 yilgacha shartnoma va yiliga 5 million yevro maosh taklif qilmoqda, futbolchining o‘zi esa rahbariyatdan bir mavsum uchun 6 million yevro so‘ramoqda.
Brozovichning "Inter" bilan amaldagi shartnomasi 2022 yilning yozida yakuniga etadi.
Joriy mavsumda yarim himoyachi barcha turnirlarda 12ta o‘yin o‘tkazib, 1 golli uzatmani amalga oshirgan.