Bugundan Serbiyada boshlanadigan boks bo‘yicha jahon chempionatiga kecha qur’a tashlash marosimi bo‘lib o‘tdi. Unda o‘zbekistonlik sportchilar dastlabki bosqichdagi o‘z raqiblarini bilib olishdi.

51 kg. vazn toifasida Rio-2016 olimpiadasi chempioni Hasanboy Do‘smatov ilk bosqichdayoq Tokio-2021 olimpiya o‘yinlari bronza medali sohibi Saken Bibosinovga qarshi ringga ko‘tariladigan bo‘ldi. Ushbu jang 26 oktyabr, seshanba kuni bo‘lib o‘tadi.

Bugun esa bir nafar hamyurtimiz o‘z ishtirokini boshlaydi. 67 kg. vaznda Belgradga tashrif buyurgan Asadxo‘ja Mo‘ydinxo‘jayev 1/32 final bosqichi doirasida irlandiyalik Eugen Brenden MakKiverga qarshi ringga ko‘tariladi. Jang Toshkent vaqti bilan 22:00dan keyin boshlanadi.

O‘zbekistonlik bokschilarning dastlabki janglari o‘tkaziladigan sanalar:

25 oktyabr, dushanba. 1/32 final
67 kg. Asadxo‘ja Mo‘ydinxo‘jayev — Eugen Brenden MakKiver (Irlandiya)

26 oktyabr, seshanba, 1/16 final
51 kg. Hasanboy Dusmatov — Saken Bibosinov (Qozog‘iston)
1/32 final
75 kg. Saidjamshid Ja’farov — Lukas Fernaza (Slovakiya)
80 kg. Odiljon Aslonov — Yusuf Changalave (Tanzaniya).

27 oktyabr, chorshanba, 1/16 final
86 kg. Shohjahon Abdullayev — Viktor Shelstreyte (Belgiya)

28 oktyabr, payshanba. 1/16 final
+92 kg. Lazizbek Mullajonov — Puriya Amiriy (Eron)
57 kg. Mirazizbek Mirzaxalilov — Jamal Xarvey (AQSH) / Vasiliy Usturov (Belarus) g‘olibi

29 oktyabr, juma, 1/16 final
71 kg. Shahram G‘iyosov — Aslanbek Shimbergenov (Qozog‘iston) / Farhod Moradiy Otashgoh (Eron) g‘olibi
54 kg. Shahobiddin Zoirov — Tamir Galanov (Serbiya)
60 kg. Abdumalik Halakov — Fabio Roseliye (Seyshel) / Jasin Lyama (Makedoniya) g‘olibi
92 kg. Madiyar Saidrahimov — Vladislav Smiaxlikov (Belarus) / Joshua Vasike (Keniya) g‘olibi

30 oktyabr, shanba, 1/16 final
48 kg. Nodirjon Mirzahmedov — Rikki Nesbitt (Irlandiya)
63,5 kg. Mujibillo Tursunov — Jantoro Tashiyev (Qirg‘iziston) / Taiga Imanaga (Yaponiya) g‘olibi