O‘zbekiston futbol assosiasiyasi tomonidan joriy yilning oktyabr va noyabr oylarida 2004, 2005, 2006, 2007, 2008 va 2009 yilda tug‘ilgan Qoraqalpog‘iston Respublikasi, viloyatlar va Toshkent shahri professional futbol maktablari jamoalari o‘rtasida «O‘zbekiston kubogi» o‘tkaziladi.
Bugun O‘FA majlislar zalida mazkur turnirning 2009 yillarda tug‘ilgan bolalar o‘rtasidagi bahslariga qur’a tashlandi.
Qur’a tashlash marosimi o‘z yakuniga yetgach, jamoalar bosh murabbiylari hamda sardorlar ishtirokida matbuot anjumani bo‘lib o‘tdi. Unda mazkur musobaqaga olib borilgan tayyorgarlik jarayonlari va o‘zaro o‘rtoqlik o‘yinlari haqida fikr bildirdilar.
Shundan so‘ng, ertangi uchrashuvda maydonga chiqadigan jamoalarning sport kiyimlari to‘plami bilan tanishtirildi.
Eslatib o‘tamiz, Toshkent shahri mezbonlik qiladigan mazkur musobaqa ertaga start oladi. Turnirning barcha o‘yinlari You Tube orqali video translyasiya qilib borilishi rejalashtirilgan.
