Qozog‘istonlik taniqli sobiq bokschi Marat Mazimbayev Belgradda boshlangan boks bo‘yicha jahon chempionatining 51 kg. vazn toifasida bugun bo‘lib o‘tadigan Hasanboy Do‘smatov va Saken Bibosinov o‘rtasidagi jang oldidan o‘z fikrini bildirib o‘tdi.

Eslatib o‘tamiz, qozog‘istonlik bokschi Tokio-2021 olimpiadasida bronza medalini qo‘lga kiritgan bo‘lsa, Hasanboy Rio-2016 olimpiya o‘yinlari chempioni hisoblanadi.

— Do‘smatov, albatta, — yaxshi bokschi, Olimpiya o‘yinlari chempioni, ammo u 48 kg. vaznda chempion bo‘lgan. Bu galgi jang esa 51 kg. vaznda bo‘lib o‘tadi. Bibosinovning bo‘yi baland, qo‘llari uzun. U g‘alaba qozonishi mumkin. Buning uchun imkoniyati bor.

— Kimning imkoniyati yuqori?
— Bu boks, unda imkoniyatlar hamisha 50/50. Ammo Do‘smatov 2016 yilda olimpiadada g‘olib chiqqan, takrorlayman, 48 kg. vaznda. Hozir esa boshqa vazn — 51 kg. Farq katta. Bu Bibosinovning vazni. Saken ushbu vazn toifasida yaxshi jismoniy ko‘rsatkichlarga ega.