«Chelsi» himoyachisi Andreas Kristensen bilan yangi shartnoma borasida muzokaralar boshi berk ko‘chaga kirib qoldi, deb xabar beradi Goal.
Manbaga ko‘ra, ikki oy davomida tomonlar o‘rtasida hech qanday aloqa bo‘lmagan.
Qayd etilishicha, 25 yoshli daniyalik London klubida qolishni istaydi, biroq yangi shartnoma tuzilsa, u klubdagi eng kam maosh oluvchi futbolchilardan biri bo‘lib qoladi.
Kristensenning «Chelsi» bilan shartnomasi 2022 yilning yozida yakuniga etadi. Joriy mavsumda himoyachi 10 ta o‘yin o‘tkazib, 1 ta gol urishga erishdi.