"Chelsi" bosh murabbiyi Tomas Tuxel Angliya liga kubogi doirasida "Sautgempton" mag‘lub etilgan (1:1, penaltilar - 4:3) o‘yin haqida gapirdi.

“Bu keskin bahs bo‘ldi. Tomoshabinlarga yoqadigan ochiq va shiddatli o‘yin.

Penaltilar seriyasida yaxshi o‘ynadik va mahorat ko‘rsatdik. Kepa bitta seyv qildi, yana boshqa holatda xatolik yuz berdi.

Bizda juda ko‘p o‘zgarishlar bo‘ldi. Afsuski, kecha biz Aspilikuetani jarohat tufayli yo‘qotdik. Andreas Kristensenning tish shifokori uni operasiya qilishi kerakligini aytdi. O‘yinni asosiy tarkib bilan boshlashi mumkin bo‘lgan uch nafar futbolchimizni yo‘q edi.

Lekin menga g‘alabamiz yoqdi. Yaxshi o‘yin o‘tkazdik", - dedi Tuxel klub rasmiy saytiga bergan intervyusida.