"PSJ" bosh murabbiyi Maurisio Pochettino klubdagi ishini yo‘qotishi mumkin, deya xabar beradi jurnalist Abdella Bulma.

Qayd etish joiz, “qizil-ko‘klar” chempionatda eng yaqin ta’qibchisidan 7 ochko oldinda borib, Liga 1da ishonchli peshqadamlik qilmoqda. Shuningdek, Chempionlar ligasi guruh bosqichida “RB Leypsig”, “Manchester Siti” va “Bryugge” bilan bir guruhdan o‘rin olgan parijliklar bu turnirda ham birinchi o‘rinda bormoqda.

Ammo klub rahbariyati futbolchilarning murabbiyga bo‘lgan ishonchini yo‘qotganidan xavotirda. Hamma o‘yinchilar ham murabbiy o‘zlaridan nima talab qilinishini tushunavermaydi va shu sababli jamoada do‘stona muhit yo‘q. Shuning uchun parijliklar rahbariyati uning o‘rniga boshqa variantlarni ko‘rib chiqmoqchi, deyiladi xabarda.