"ПСЖ" бош мураббийи Маурисио Почеттино клубдаги ишини йўқотиши мумкин, дея хабар беради журналист Абделла Бульма.
Қайд этиш жоиз, “қизил-кўклар” чемпионатда энг яқин таъқибчисидан 7 очко олдинда бориб, Лига 1да ишончли пешқадамлик қилмоқда. Шунингдек, Чемпионлар лигаси гуруҳ босқичида “РБ Лейпциг”, “Манчестер Сити” ва “Брюгге” билан бир гуруҳдан ўрин олган парижликлар бу турнирда ҳам биринчи ўринда бормоқда.
Аммо клуб раҳбарияти футболчиларнинг мураббийга бўлган ишончини йўқотганидан хавотирда. Ҳамма ўйинчилар ҳам мураббий ўзларидан нима талаб қилинишини тушунавермайди ва шу сабабли жамоада дўстона муҳит йўқ. Шунинг учун парижликлар раҳбарияти унинг ўрнига бошқа вариантларни кўриб чиқмоқчи, дейилади хабарда.
