"Atletiko" bosh murabbiyi Diyego Simeone jamoaning Ispaniya chempionatidagi startini sharhlab, madridliklar o‘z darvozasidan ko‘plab erta gollar o‘tkazib yuborayotganini ta’kidladi.
"Himoyadagi muvozanatni topib, shunga asoslanib harakat qilishimiz kerak. Dastlabki daqiqalarda ko‘p gol o‘tkazib yuboryapmiz, ammo ularga bo‘lgan futbolchilarning munosabati meni ruhlantirmoqda. Jamoa darhol hisobni tenglashtirishga harakat qiladi. Hech kimni oldidan asosiy tarkibda tushishi kafolatlanmagan, maydonga yaxshiroq tayyorgarlik ko‘rgan futbolchilar tushadi", - dedi murabbiy.
“Atletiko” 9 turda 18 ochko to‘plagan holda Ispaniya chempionatining turnir jadvalida to‘rtinchi o‘rinda bormoqda. Jamoa navbatdagi o‘yinni 28 oktyabr kuni mehmonda "Levante"ga qarshi o‘tkazadi.
