Koronavirusga chalingan “Bavariya” bosh murabbiyi Yulian Nagelsmann Germaniya kubogi doirasida “Borussiya M”dan 0:5 hisobida uchralgan mag‘lubiyat haqida gapirdi.
"Biz telefonda bir-birimizga hamma narsa yomonligi haqida baqiradigan narsani o‘zi yo‘q edi. Lekin bu mag‘lubiyat mening faoliyatimdagi eng achinarli lahzalardan biri.
Biz mashina emas, inson ekanligimizni ko‘rsatdik. “Bavariya” Yevropaning eng yaxshi jamoalaridan biri ekanligini qayta-qayta isbotlashimiz kerak”, - dedi Nagelsmann.
Murabbiy Chempionlar ligasi doirasidagi "Benfika"ga qarshi o‘yinda jamoani shaxsan o‘zi boshqarishi mumkinligini ham aytdi.
“Videoaloqa orqali mashg‘ulot? Bu albatta yaxshi, ammo men uchun qulay emas. Koronavirus davrida futbolchilar bilan masofadan ishlayotgan har qanday mutaxassis buni tasdiqlaydi”, — deya qo‘shimcha qilgan mutaxassis.
