«Tottenxem» ustozi Nunu Espiritu Santu hamyurti Krishtianu Ronaldu haqida gapirdi.
«Shporlar» ustozi Angliya Premyer-ligasining 10-turida «Manchester Yunayted»ga qarshi o‘yin oldidan 36 yoshli futbolchi o‘z vatanini butun dunyoga qanday tanitgani haqida gapirib berdi.
«Barcha portugaliyaliklar Ronaldu bilan faxrlanadi. Krishtianu milliy g‘ururimizga aylangan ko‘plab aql bovar qilmaydigan lahzalarni olib keldi.
Men dunyo bo‘ylab sayohat qilganimda va odamlar mening Portugaliyalik ekanligimni bilishsa, doim Ronalduni eslashadi. Mana u biz uchun qanchalik muhim. Gap tarixdagi eng yaxshi futbolchilardan biri haqida ketmoqda», dedi Nunu Santu BBCga.