«Тоттенхэм» устози Нуну Эспириту Санту ҳамюрти Криштиану Роналду ҳақида гапирди.
«Шпорлар» устози Англия Премьер-лигасининг 10-турида «Манчестер Юнайтед»га қарши ўйин олдидан 36 ёшли футболчи ўз ватанини бутун дунёга қандай танитгани ҳақида гапириб берди.
«Барча португалияликлар Роналду билан фахрланади. Криштиану миллий ғуруримизга айланган кўплаб ақл бовар қилмайдиган лаҳзаларни олиб келди.
Мен дунё бўйлаб саёҳат қилганимда ва одамлар менинг Португалиялик эканлигимни билишса, доим Роналдуни эслашади. Мана у биз учун қанчалик муҳим. Гап тарихдаги энг яхши футболчилардан бири ҳақида кетмоқда», деди Нуну Санту BBCга.