Angliya chempionatining 10-turi doirasida «Manchester Siti» o‘z uyida «Kristal Pelas»ni qabul qilib, mag‘lubiyat alamini tortdi.

Bahsning 6-daqiqasidayoq mehmonlar Uilfridning Zaaning goli evaziga hisobni ochishdi. Birinchi bo‘limga qo‘shib berilgan daqiqalarda esa Emerik Laport o‘zidan qochib ketayotgan Zaani yiqitdi. Hakam uni maydondan chetlatdi.

Ikkinchi bo‘limni bir kishi kam bo‘lib o‘tkazgan "shaharliklar" o‘yin tugashiga 2 daqiqa qolganida ikkinchi golni o‘tkazib yuborishdi.

Natijada Gvardiola jamoasi 20 ochko bilan 3-o‘ringa tushib qoldi.

Angliya chempionati. 10-tur
Manchester Siti – Kristal Pelas 0:2 (0:1, 0:1)
Gollar: 0:1 – 6 Zaa, 0:2 – 88 Gallaxer.
Manchester Siti – Ederson, Uoker, Laport, Ruben Diash, Joau Kanselu (Marez, 78), de Bryuyne (Stounz, 59), Bernardu Silva, Rodri, Grilish (Sterling, 78), Foden, Gabriel Jezus.
Kristal Pelas – Guaita, Uord, Andersen, Gexi, Mitchell, Kuyate (Olise, 85), Makartur, Gallaxer, Ayyu (Benteke, 65), Zaa, Eduar (Shlupp, 73).
Ogohlantirishlar: Ayyu (27), Bernardu Silva (45), Ederson (45), Gallaxer (65), Guaita (86).
Chetlatish: Laport (45).