«Barselona» hujumchisi Serxio Aguero Ispaniya chempionatining 12-turi doirasida bo‘lib o‘tgan «Alaves»ga qarshi o‘yinning birinchi bo‘lim so‘ngida zaxiraga olindi.
Bunga futbolchining yuragi urish ritmida kichik o‘zgarish yuz bergani sabab bo‘ldi. U ko‘krak qismida og‘riq his qildi. Uning boshi aylandi va nafas olishi og‘irlashdi. Shu sababdan Aguero maydonga yotishga qaror qildi.
Ehtiyot yuzasidan argentinalik futbolchi zaxiraga olindi va kiyinish xonasida shifokorlar uni ko‘rikdan o‘tkazishdi. Shundan so‘ng tez yordam mashinasida u shifoxonaga olib borildi. Hozirda Aguero o‘zini yaxshi his qilmoqda.