"Tottenxem" bosh murabbiyi Nunu Eshpiritu-Santu jamoa o‘yiniga nisbatan muxlislarning munosabati haqida fikr bildirdi:
"Biz to‘gri yo‘lda emasmiz. Biz tanqidlarni to‘liq tushunamiz. Bu axir futbolning bir qismi sanaladi. Sevimli jamoasi yaxshi o‘ynay olmagan paytda, muxlislar qiynalishadi. Ular jahl qilishadi va buni ifoda etishadi. Buni qabul qilish esa, hammaning o‘ziga bog‘liq. Ularga bor kuchimiz bilan harakat qilayotganimizni, vaziyatdan afsusda ekanimizni va o‘zimiz istagandek o‘ynay olmaganimizni tushuntirishimiz lozim. Murakkab bo‘lsa ham, bizni har qanday vaziyatda qo‘llashni aytish ham muhimdir".
"MYU"ga qarshi o‘yinda "shporlar" raqib darvozasi tomon bitta ham aniq zarba yo‘llay olmagan edi. Londonliklar hozirda so‘nggi 10ta bahsdan 5tasida mag‘lubiyatga uchragan. Ular hozirda 15 ochko bilan 8 o‘rinda bormoqda.
