"Yuventus" hujumchisi Paulo Dibala Chempionlar ligasi guruh bosqichi 4-turidan o‘rin olgan "Zenit"ga qarshi o‘yindan so‘ng (4:2) jamoa tarkibida gol urish borasida Mishel Platini rekordini yangiladi.
"Yuventus"ning 124 yilligini nishonlashning bundan yaxshi usuli yo‘q. Men Platinidek afsonani ortda qoldirganimdan faxrlanaman", - deb yozdi Dibala Instagram sahifasida.
Kechagi uchrashuvdagi dubldan so‘ng argentinalik futbolchi turinliklar tarkibidagi umumiy gollari sonini 106taga yetkazib oldi. Mishel Platini hisobida 104 gol bor.