"Ювентус" ҳужумчиси Пауло Дибала Чемпионлар лигаси гуруҳ босқичи 4-туридан ўрин олган "Зенит"га қарши ўйиндан сўнг (4:2) жамоа таркибида гол уриш борасида Мишель Платини рекордини янгилади.
"Ювентус"нинг 124 йиллигини нишонлашнинг бундан яхши усули йўқ. Мен Платинидек афсонани ортда қолдирганимдан фахрланаман", - деб ёзди Дибала Instagram саҳифасида.
Кечаги учрашувдаги дублдан сўнг аргентиналик футболчи туринликлар таркибидаги умумий голлари сонини 106тага етказиб олди. Мишель Платини ҳисобида 104 гол бор.