"Real" bosh murabbiyi Karlo Anchelotti jamoa futbolchisi Eden Azar haqida fikr bildirdi. U bu haqda shunday deydi:
"Asosiy tarkibda maydonga tushmayotgan o‘yinchilar, eng avvalo o‘ziga bo‘lgan ishonchni rivojlantirib olishlari lozim. Mana masalan, Mariano. U vanihoyat o‘z imkoniga ega bo‘ldi va bugungi o‘yinni zavq olib o‘tkazdi. Azar ham aynan shunga muhtoj. Unda ham sabr va o‘ziga bo‘lgan kuchli ishonch namoyon bo‘lishi kerak".
Belgiyalik hujumchi o‘tgan mavsumda 21 marta maydonga tushirilgan va 5 marta gol urishga erishgan. Bu mavsumda esa, Azar hisobida hali gol mavjud emas.