"Реал" бош мураббийи Карло Анчелотти жамоа футболчиси Эден Азар ҳақида фикр билдирди. У бу ҳақда шундай дейди:
"Асосий таркибда майдонга тушмайотган ўйинчилар, энг аввало ўзига бўлган ишончни ривожлантириб олишлари лозим. Мана масалан, Мариано. У ваниҳоят ўз имконига эга бўлди ва бугунги ўйинни завқ олиб ўтказди. Азар ҳам айнан шунга муҳтож. Унда ҳам сабр ва ўзига бўлган кучли ишонч намоён бўлиши керак".
Бельгиялик ҳужумчи ўтган мавсумда 21 марта майдонга туширилган ва 5 марта гол уришга эришган. Бу мавсумда эса, Азар ҳисобида ҳали гол мавжуд эмас.