Rimning «Roma» klubi bosh murabbiyi Joze Mourinyo klub rahbariyatidan qishda yangi transferlarni amalga oshirishni talab qildi.

Italiyaning  Gazzetta dello Sport nashri xabariga ko‘ra, portugaliyalik mutaxassis «Real» himoyachisi Nacho Fernandesni jamoasida ko‘rmoqchi. Manbaga ko‘ra, ispaniyalik himoyada raqobatni kuchaytirmoqchi bo‘lgan Mourinyo uchun ustuvor vazifa hisoblanadi.

Biroq transferga madridliklarning kadrlar bilan bog‘liq holati to‘sqinlik qilishi mumkin. Gap shundaki, «qaymoqranglilar» Rafael Varan va Serxio Ramos ketganidan keyin ham bu pozisiyada ijrochilar yetishmaslik holatini boshdan kechirmoqda.

Qayd etilishicha, kelishuv «Real»da Nacho o‘rniga o‘rinbosar topishga ulgursagina amalga oshadi.