Jiddiy moliyaviy qiyinchiliklarga qaramay, «Barselona» ikki kompaniya bilan hamkorlik qilishdan bosh tortdi. Jurnalist Sergi Eskudero o‘zining Tvitter sahifasida EFE’ga tayanib xabar berishicha, Hindistonning onlayn ta’lim kompaniyasi kataloniyaliklarga o‘z logotipini formaga qo‘ygani uchun 58 million yevro + 15% bonus taklif qilgan.

Shu bilan birga, kriptovalyuta bilan ishlaydigan kompaniya 70 million yevro + 20% bonuslarni taklif qildi. Ikkala taklif ham «Barselona» tomonidan rad etildi.

Avvalroq, «Barselona»ning qarzi bir milliard yevrodan oshgani haqida xabarlar tarqalgan edi.