Superliganing 24-turidan o‘rin olgan “Bunyodkor” – “Qizilqum” (1:0) uchrashuvidan so‘ng mezbonlar bosh murabbiyi Shuhrat Maqsudov fikrlari bilan o‘rtoqlashdi.

- Dastavval Xayrulla Karimovning otasi vafot etgani sababli o‘z ta’ziyamni bildiraman. Joyi jannatdan bo‘lsin. Shuningdek, “Bunyodkor” ayollar jamoasiga Osiyo Chempionlar ligasida chin dildin omad tilayman! G‘alaba bilan yurtga qaytishsin. Shu qatori “Nasaf”ga ham finalda g‘olib chiqishi tilakdoshiman! To‘g‘ri, “Nasaf” Superligada bizga raqib, lekin OFK kubogida butun O‘zbekiston nomini himoya qiladi.

Bevosita o‘yinga keladigan bo‘lsak, har doimgidek, shiddatdli o‘yin guvohiga aylandik. O‘ylaymanki, g‘alabaga loyiq edik. “Qizilqum”ga navbatdagi bahslarda zafarlar tilab qolaman. “Bunyodkor” jamoasi muxlislarga chiroyli o‘yin va g‘alaba taqdim qilishni istaydi. Yana bir bor futbolchilarimga minnatdorchilik bildiraman. Hech narsaga qaramay, oxirigacha kurashganliklari uchun rahmat aytaman!