Evropa Ligasi guruh bosqich 4-turidan o‘rin olgan «Bayer» hamda «Betis» jamoalari o‘rtasidagi uchrashuv 4:0 hisobida yakunlandi.

Mezbonlar safida Diabi dublga erishgan bo‘lsa, Virtz hamda Amiri ham gol urishga erishishdi. Mazkur uchrashuvdan keyin futbolchilar va «Betis» bosh murabbiyi Manuel Pellegrinining keltirgan fikrlari bilan bo‘lishganini taqdim etamiz.

«Betis» himoyachisi Ektor Bellerin: "Birinchi bo‘limda ularda bir nechta imkoniyatlar bo‘lganini hisobga olmaganda juda yaxshi harakat qildik. Birinchi golni o‘tkazib yuborganimizda ikkinchi bo‘limga to‘g‘ri munosabat bilan yondasha olmadik. Ularning jamoasida tezkor va ijodkor futbolchilar ko‘p va ular yaxshi futbol o‘ynashadi. Ikkinchi bo‘limda eng yaxshi himoyaviy o‘yinimiz bo‘lmadi. Bizda iste’dodli jamoa mavjud, biroq ba’zida siz eng zo‘r o‘yiningizni ko‘rsata olmaysiz. Ular o‘ta yaxshi o‘ynashdi. Biz bu musobaqadan rohatlanishni va oldinga harakatlanishni istaymiz. Oldimizda ikki uchrashuv bor va bunda hamma narsa bo‘lishi mumkin. Ishga kirishishimiz kerak".

«Bayer» himoyachisi Jonatan Ta: "Bugungi bahsda menda eng ko‘p taassurot qoldirgan narsa - bu tajovuzkorlik va intizomda bo‘lish. Hatto o‘zimizning ilk ikki imkoniyatimizdan foydalana olmagan bo‘lsak ham, oldinga chiziqda hujum qilishdan to‘xtamadik va o‘zimiz haqli bo‘lgan gollarga ega bo‘ldik".

«Betis» bosh murabbiyi Manuel Pellegrini: "Yaxshi o‘yin namoyish etmadik ham hujumda ham himoya chizig‘ida. Umuman, bu biz uchun yomon o‘yinlardan biri. «Bayer» mag‘lubiyatli seriyada edi va bizdan ustun keldi. Tahlil qilish va javob topish kerak bo‘lgan yomon o‘yin ko‘rsatdik. Bu juda yomon o‘yin bo‘ldi. Futbol o‘yindan o‘yinga o‘zgarmoqda. Guruhda ikkinchi o‘rinni saqlab qoldik. Bu barcha jamoalarda bo‘ladigan muammolar hisoblanadi".

«Bayer» darvozaboni Lukas Gradetski: "Bugun g‘alaba qozonishni juda ham istagandik va bunga erishish uchun kurash olib bordik. Bu eng yaxshi jamoaviy o‘yin bo‘ldi".

Ushbu guruhda 10 ochko to‘plagan «Ayntraxt» birinchi o‘rinda bormoqda. «Betis» jamoasi esa 7 ochko bilan keyingi pog‘onada. Shotlandiyaning «Seltik» klubi esa 6 ochko bilan uchinchi va pley-off yo‘llanmasi uchun kurash olib bormoqda. Vengriyaning «Ferensvarosh»i hisobida birorta ochko mavjud emas va muddatidan oldin o‘z imkoniyatlarini yo‘qotib bo‘lgan.