Angliya Premyer-Ligasi 11-turi doirasida Manchesterning ikki jamoasi to‘qnash keladi.
Bilasizmi?
"Manchester Siti" "Old Traford"da MYU ustidan eng ko‘p g‘alaba qozongan jamoalardan biri («Liverpul» ham). «Shaharliklar» mankunianliklar maydonidagi 7 APL bahsida g‘alaba qozonishga erishsihgan.
"Manchester Yunayted" Premyer-Liga doirasida 4 uchrashuvdan beri «Siti»ga mag‘lub bo‘lmayapti (3 g‘alaba, 1 durang). Ularning bunday uzun g‘alabali uchrashuvlari (6 o‘yin) 2008-2011 yillar davomida qayd etilgan.
Ole-Gunnar Sulsher barcha musobaqalarda "Manchester Siti" ustozi Pep Gvardiola bilan 8 to‘qnashuvning to‘rttasida g‘alaba qozongan. Bu natija orqali Sulsher ispaniyalik mutaxassis bilan kamida 5 marotaba uchrashgan murabbiylar orasida eng ko‘p (50) foiz bo‘yicha Pepni yutgan murabbiy bo‘lib turibdi.
"Manchester Siti" joriy mavsum APLning 10 o‘yinining uchta bahsida gol ura olmadi va o‘tgan mavsumgi butun natijani takrorlashga ulgurdi. Shunga qaramay, «shaharliklar» 2016/17 yilgi mavsumdan beri (23 o‘yin) mahalliy vaqt bilan 12:30da boshlanadigan o‘yinlarda doim gol urib kelmoqda.
Bahs rasmiylari
Bosh hakam: Maykl Oliver
Qanot hakamlari: Styuart Byurt, Simon Bennet
Zaxira hakami: Robert Jons
VAR: Darren Ingland
VAR yordamchisi: Dan Robattan
Taxminiy tarkiblar
Manchester Yunayted - De Xea, Van Bissaka, Bayi, Lindelyof, Maguayr, Shou, MakTomini, Fred, Fernandesh, Kavani, Ronaldu
Manchester Siti - Ederson, Kanselu, Stounz, Diash, Zinchenko, De Bryuyne, Rodri, Bernardu, Foden, Jezus, Grilish
Jamoalarning o‘rtacha bo‘yi bo‘yicha mankuniianliklar oldinda 185 sm atrofida (hamshahridan 5 sm baland). Jamoalarning o‘rtacha yoshi bo‘yicha ham «qizillar» ustunlikka erishmoqda - 28,2 («Siti» - 25,7).
Jamoa xabarlari
Rafael Varan Chempionlar Ligasi 3-turi doirasidagi «Atalanta»ga qarshi uchrashuvda sonidan olgan jarohati bois 1 oyga safdan chiqqan edi. Viktor Lindelyof «Atalanta» bilan durang bo‘lgan bahsni jarohati sabab o‘tkazib yubordi, lekin Shvesiyaning kelayotgan o‘yinlari uchun tarkibga chaqirildi. Pol Pogba qizil kartochka olgani bois ushbu o‘yinni o‘tkazib yuboradi.
Eymerik Lyaport "Kristal Pelas"ga qarshi uchrashuvda (0:2) chetlashtirilgan edi. Uning o‘rnini Jon Stouns egallashi mumkin. Rahim Sterling faoliyati davomida MYUga qarshi 23 o‘yinda qatnashgan bo‘lsa ham birorta gol ura olmagan va u o‘yinni zaxiradan boshlashi mumkin.
Ferran Torresning safdan chiqqani bois, De Bryuyne yoki Foden yolg‘on to‘qqizlik pozisiyasida o‘ynashi mumkin. «Yunayted»ning sobiq bosh maqsadi - Grilish Foden chap qanot vingeri sifatida o‘ynashi orqali asosiy tarkibdan tushib qolsa ajab emas.
Kayl Uoker Chempionlar Ligasining «Bryugge»ga qarshi o‘yinida biroz jarohatlangani bois, mankunianliklarga o‘ynashi so‘roq ostida bo‘lib turibdi.
Raqamlar
"Manchester Yunayted" barcha musobaqalarda "Manchester Siti"ga qarshi oxirgi 6 o‘yinda o‘rtacha 2,5tadan gol kiritilgan.
MYU «shaharliklar»ga qarshi oxirgi 6 bahsning beshtasida darvozasidan to‘p olib chiqmagan (barcha musobaqalarda).
"Manchester Siti" APLda oxirgi 19 safar o‘yinining 17tasida mag‘lubiyatga uchramagan.
"Manchester Yunayted"ning APLdagi so‘nggi 3 o‘yinida o‘rtacha 2,5tadab ko‘p gol kiritilgan.
Tomonlar Premyer-Ligada o‘zaro 48 marta to‘qnash kelishgan. 24 marta mankunianliklar, 15 marotaba esa «shaharliklar» g‘alaba qozonishgan. 9 o‘yinda durang natija qayd etilgan.
Eslatib o‘tamiz, MYU - "Manchester Siti" bahsi ertaga Toshkent vaqti bilan 17:30 boshlanishi rejalashtirilgan.
