Ispaniya terma jamoasi bosh murabbiyi Luis Enrike terma jamoaning jahon chempionati saralashida bo‘lajak o‘yinlariga chaqirilgan futbolchilar ro‘yxatini e’lon qildi.
Ispaniya ommaviy axborot vositalari so‘nggi olti oy ichida ilk bor «Real» vakili terma jamoaga chaqiruv olganini ta’kidlamoqda. Eslatib o‘tamiz, Enrike so‘nggi yevroga birorta ham «qaymoqranglilar» futbolchisini olib ketmagan, keyin esa bu tendensiya kuzgi o‘yinlarda ham davom etgan.
Endi uzoq vaqt jarohatidan forig‘ bo‘lib kelayotgan Daniyel Karvaxal safga qaytdi va yagona «Real Madrid» futbolchisiga aylandi.
