Испания терма жамоаси бош мураббийи Луис Энрике терма жамоанинг жаҳон чемпионати саралашида бўлажак ўйинларига чақирилган футболчилар рўйхатини эълон қилди.
Испания оммавий ахборот воситалари сўнгги олти ой ичида илк бор «Реал» вакили терма жамоага чақирув олганини таъкидламоқда. Эслатиб ўтамиз, Энрике сўнгги еврога бирорта ҳам «қаймоқранглилар» футболчисини олиб кетмаган, кейин эса бу тенденция кузги ўйинларда ҳам давом этган.
Энди узоқ вақт жароҳатидан фориғ бўлиб келаётган Даниел Карвахал сафга қайтди ва ягона «Реал Мадрид» футболчисига айланди.
