Hozirgina yakuniga yetgan uchrashuvda Bahraynning "Al-Muharraq" jamoasi yurtimizning "Nasaf" klubini yirik 3:0 hisobida mag‘lub etdi.
O‘yin tezkor gol bilan boshlandi. 2-daqiqadayoq maydon egalari safidagi Mahmud Al-Mardining kutilmaganda tepgan to‘pi darvozaga borib tushdi. Birinchi bo‘limda qanchalik harakat qilmasin "ajdarlar" hisobni tenglashtira olmadi.
Ikkinchi taymda Muharraq tarkibida zahiradan o‘yinga qo‘shilgan Sabba oradagi farqni ikkitaga yetkazib qo‘ydi. So‘nggi 3-golni esa Flavio 79-daqiqada o‘z hisobiga yozdirib qo‘ydi.
OFK Kubogi final
"Al-Muharraq" – "Nasaf" - 3:0 (1:0,2:0)
Gollar: 2 - Al-Mardi (1:0), 74 - Sabba (2:0), 79 - Flavio (3:0).
Al-Muharraq - Al Hayyom, Bennadi, Almardi, Al Ravabdeh, Almalud, Sanad, Cheverasen, Abbos, Ali Albanna, Jona, Alhuti.
Bosh murabbiy: Al Hamdani
Nasaf - Umid Ergashev, G‘olib G‘aybullayev, Dilshod Saitov, Bahrom Abdurahimov, Husayn Norchayev, Suhrob Nurulloyev, Akmal Mozgovoy, Sherzod Nasrullayev, Oybek Bozorov, Marko Stanoyevich, Umarbek Eshmurodov.
Bosh murabbiy: Ro‘ziqul Berdiyev
