Ҳозиргина якунига етган учрашувда Баҳрайннинг "Ал-Муҳаррақ" жамоаси юртимизнинг "Насаф" клубини йирик 3:0 ҳисобида мағлуб этди.

Ўйин тезкор гол билан бошланди. 2-дақиқадаёқ майдон эгалари сафидаги Маҳмуд Ал-Мардининг кутилмаганда тепган тўпи дарвозага бориб тушди. Биринчи бўлимда қанчалик ҳаракат қилмасин "аждарлар" ҳисобни тенглаштира олмади.

Иккинчи таймда Муҳаррақ таркибида заҳирадан ўйинга қўшилган Сабба орадаги фарқни иккитага етказиб қўйди. Сўнгги 3-голни эса Флавио 79-дақиқада ўз ҳисобига ёздириб қўйди.

ОФК Кубоги финал

"Ал-Муҳаррақ" – "Насаф" - 3:0 (1:0,2:0)

Голлар: 2 - Ал-Марди (1:0), 74 - Сабба (2:0), 79 - Флавио (3:0).

Ал-Муҳаррақ - Ал Ҳайём, Беннади, Алмарди, Ал Равабдеҳ, Алмалуд, Санад, Чеверасен, Аббос, Али Албанна, Жона, Алҳути.

Бош мураббий: Ал Ҳамдани

Насаф - Умид Эргашев, Ғолиб Ғайбуллаев, Дилшод Саитов, Баҳром Абдураҳимов, Ҳусайн Норчаев, Суҳроб Нуруллоев, Акмал Мозговой, Шерзод Насруллаев, Ойбек Бозоров, Марко Станоевич, Умарбек Эшмуродов.

Бош мураббий: Рўзиқул Бердиев