APL 11-turi doirasida «Chelsi» o‘z maydonida «Byornli»ni qabul qiladi.
Bilasizmi?
Ushbu jamoalarning Premyer-Ligadagi barcha 14 o‘yinining birinchi bo‘limida kamida bittadan gol kiritilgan. Bu APL tarixida o‘yinning ilk 45 daqiqasi ichida kamida bitta gol urilgan bahslar ichida peshqadam bo‘lib turgan to‘qnashuv hisoblanadi.
Bu Tomas Tuxelning «Chelsi» boshqaruvidagi APLda 30-o‘yini bo‘ladi. Uning yanvardan, birinchi o‘yinidan beri jamoasi 18 bahsda gol o‘tkazib yubormadi. Bu natija bo‘yicha u istalgan jamooadan yaxshi natija qayd etdi. Faqatgina Joze Mourinyo o‘z davrida ilk 30 o‘yinda 22 “quruq o‘yin” o‘tkazishni uddalagan va Tuxeldan yaxshiroq ko‘rsatkich qayd etgan.
«Byornli» «Chelsi»ga qarshi o‘yinlarda 6 ochkodan beshtasini “Stemford Bridj”dagi bahslarda kiritgan (1 g‘alaba, 2 durang, 4 mag‘lubiyat). APLdagi London o‘kazilgan ilk 30 bellashuvdan (4 durang, 23 mag‘lubiyat) uchtasida g‘alaba qozongan «Byornli», poytaxtga oxirgi 8 tashrifidan beshtasida g‘alaba qozonishga erishgan.
«Byornli» a’zosi Maksvell Kornet oxirgi 5 APL uchrashuvida 4 gol urishga erishdi. Bu xavfli zonada turgan jamoa futbolchilari orasida ilk 5 Premyer-Liga bahsida eng ko‘p gol urgan futbolchi sifatida e’tirof etilishiga sabab bo‘ldi. Shuningdek, Demba Ba ham 2011 yilning fevral-mart oylarida “Vest Xem” safida xuddi shunday natija qayd etgan.
Bahs rasmiylari
Bosh hakam: Andre Marriner
Qanot hakamlari: Simon Long, Skott Ledjer
Zaxira hakami: Maykl Selisburi
VAR: Mayk Din
VAR yordamchisi: Eddi Smart
Taxminiy tarkiblar
«Chelsi»: Mendi, Aspilikueta, Silva, Ryudiger, Chiluell, Jeyms, Jorjino, Loftus-CHik, Hadson-Odoi, Ziyesh, Xaverts
«Byornli»: Poup, Louton, Tarkovski, Mi, Teylor, Braunhill, Kork. Gudmundsson. MakNil, Vud, Kornet
Jamoa xabarlari
Kristian Pulishich avgustda olgan jarohatidan keyin ushbu hafta o‘rtasida o‘tkazilgan YECHL bahsida o‘zining ilk o‘yinini o‘tkazdi. Ngolo Kante «Malmyo»ga qarshi o‘yinda tavakkal qilib tushirilgani yo‘q, ammo «Byornli» bilan bahsda uning ishtirokini Tuxel kutmoqda. Ruben Loftus-CHik Chempionlar Ligasidagi yorqin o‘yinidan keyin o‘z navbatini kutish bilan band. Meyson Maunt kasalligi bois ikki uchrashuvni o‘tkazib yubordi va vazn yo‘qotishi evaziga bugungi bahsni asosiy tarkibda boshlamasligi mumkin. Hakim Ziyesh «Chelsi»ning oxirgi o‘yinida g‘alaba golini kiritgani uchun ham boshlang‘ich tarkibda tushish ehtimoli yuqori. Lukaku, Verner, Kovachich hamda Alonso safdan chiqishgan. Tiago Silva ketma-ket ikkinchi o‘yinda o‘ynay omasa, unin o‘rniga Trevo Chaloba variant bo‘lib turibdi.
Maksvel Kornet hozirda yaxshi formada bo‘lib turibdi va londonliklarga qarshi asosiy tarkibda tushish ehtimoli yuqori. Deyl Stefens hamda Ueyn Xennesi jarohati bois ishtirok eta olmasligi mumkin.
Raqamlar
«Chelsi» barcha musobaqlarda «Byornli»ga qarshi oxirgi 8 uchrashuvning barchasida kamida ikkitadan gol urgan.
«Chelsi» so‘nggi 7 bahsning oltitasida g‘alaba qozongan (Premyer-Liga).
«Chelsi» barcha musobaqalarda «Byornli»ga qarshi oxirgi 4 uchrashuvda faqat g‘alaba qozongan.
«Aristokratlar» bugungi raqibga qarshi oxirgi 3 uchrashuvda birorta gol o‘tkazib yuborishmagan (barcha musobaqalarda).
«Byornli» APL doirasidagi oxirgi 6 safar uchrashuvida g‘alaba qozonishni uddalay olmagan.
Tomonlar APLda o‘zaro 14 marta uchrashishgan. 10 marotaba londonliklar, 1 marotaba «Byornli» zafar quchgan. 3 bahsda during qayd etilgan.
Eslatib o‘tamiz, bugungi bahs Toshkent vaqti bilan 20:00da boshlanishi rejalashtirilgan.
