Eldor Shomurodov Italiya chempionati so‘nggi turida «Venetsiya» darvozasiga gol urdi. Biroq jamoasi uchrashuvda mag‘lub bo‘ldi. O‘yindan so‘ng Eldor «Roma» matbuot xizmati uchun qisqa intervyu bergan.

— Chempionatdagi debyut golingiz omadsiz kunga to‘g‘ri kelib qoldi. Aslida «Roma»da ijobiy natija uchun juda ko‘p imkoniyat bo‘lgandi.
— Ha, men chempionatdagi birinchi golimni urdim, biroq jamoa mag‘lub bo‘ldi va bundan xafaman. Gol urganim uchungina xursand bo‘lolmayman. Hafsalamiz pir bo‘ld. Biz hozir tanaffusga yo‘l olamiz va ishonch bilan qaytishimiz kerak.

— Murabbiy ta’kidlaganidek, yaratilgan barcha imkoniyatlardan unumli foydalanish uchun ko‘proq ish qilish mumkinmidi?
— Ha, bu to‘g‘ri va bizga omad kulib boqmadi. Barcha o‘yinlarda biz gol urish uchun ko‘plab vaziyatlar yaratyapmiz, lekin afsus ularning aksarini yo‘qqa chiqardik.

— Abraham bilan o‘zingizni qanday his qildingiz?
— Juda yaxshi. Biz ikkita gol urdik, ammo natija bizni qoniqtirmagani aniq.

— Jamoaga qo‘shilishingiz qanday rivojlanmoqda va qaysi voqeylik siz uchun yangilik bo‘ldi?
— Hammasi yaxshi ketmoqda, men mamnunman. Hamma jamoadoshlarim menga katta yordam berishmoqda.

— Mourinyo «Roma» to‘rtinchi o‘rin uchun kurashishi va Chempionlar ligasiga chiqishi kerakligini aytdi. Buni uddalay olishga ishonasizmi?
— Ha, mavsum uzoq va biz Chempionlar ligasiga chiqishga harakat qilamiz.