Элдор Шомуродов Италия чемпионати сўнгги турида «Венеция» дарвозасига гол урди. Бироқ жамоаси учрашувда мағлуб бўлди. Ўйиндан сўнг Элдор «Рома» матбуот хизмати учун қисқа интервью берган.

— Чемпионатдаги дебют голингиз омадсиз кунга тўғри келиб қолди. Аслида «Рома»да ижобий натижа учун жуда кўп имконият бўлганди.
— Ҳа, мен чемпионатдаги биринчи голимни урдим, бироқ жамоа мағлуб бўлди ва бундан хафаман. Гол урганим учунгина хурсанд бўлолмайман. Ҳафсаламиз пир бўлд. Биз ҳозир танаффусга йўл оламиз ва ишонч билан қайтишимиз керак.

— Мураббий таъкидлаганидек, яратилган барча имкониятлардан унумли фойдаланиш учун кўпроқ иш қилиш мумкинмиди?
— Ҳа, бу тўғри ва бизга омад кулиб боқмади. Барча ўйинларда биз гол уриш учун кўплаб вазиятлар яратяпмиз, лекин афсус уларнинг аксарини йўққа чиқардик.

— Абраҳам билан ўзингизни қандай ҳис қилдингиз?
— Жуда яхши. Биз иккита гол урдик, аммо натижа бизни қониқтирмагани аниқ.

— Жамоага қўшилишингиз қандай ривожланмоқда ва қайси воқейлик сиз учун янгилик бўлди?
— Ҳаммаси яхши кетмоқда, мен мамнунман. Ҳамма жамоадошларим менга катта ёрдам беришмоқда.

— Моуриньо «Рома» тўртинчи ўрин учун курашиши ва Чемпионлар лигасига чиқиши кераклигини айтди. Буни уддалай олишга ишонасизми?
— Ҳа, мавсум узоқ ва биз Чемпионлар лигасига чиқишга ҳаракат қиламиз.