"Arsenal" "Fiorentina" hujumchisi Dushan Vlahovich transferi bo‘yicha muzokaralarda muvaffaqiyatsizlikka uchradi. Bu haqda italiyalik mashhur jurnalist Janluki Di Marsio xabar berdi.
Ma’lumotlarga ko‘ra, klub futbolchining agenti bilan bog‘lanishga harakat qilgan, biroq u telefonni ko‘tarmagan. "Kanonirlar" ayni vaqtda to‘g‘ridan-to‘g‘ri "binafshalar" bilan muzokara olib bormoqda, biroq agent klubning qo‘ng‘iroqlarni e’tiborsiz qoldirgani uchun kelishuv to‘xtab qolgan. London klubi futbolchining allaqachon "Yuventus" bilan kelishuvga erishib bo‘lgani va har qanday taklifni rad etishidan xavotirda.
Avvalroq futbolchi o‘zining jamoasi bilan shartnomani uzaytirishdan bosh tortgandi. "Transfermarkt" 21 yoshli serbni 50 million yevroga baholamoqda.
Joriy mavsumda futbolchi A seriyada 12ta o‘yinda maydonga tushib, 8 gol urdi va 1ta golli uzatmani amalga oshirdi.
