"Арсенал" "Фиорентина" ҳужумчиси Душан Влаҳович трансфери бўйича музокараларда муваффақиятсизликка учради. Бу ҳақда италиялик машҳур журналист Жанлуки Ди Марцио хабар берди.
Маълумотларга кўра, клуб футболчининг агенти билан боғланишга ҳаракат қилган, бироқ у телефонни кўтармаган. "Канонирлар" айни вақтда тўғридан-тўғри "бинафшалар" билан музокара олиб бормоқда, бироқ агент клубнинг қўнғироқларни эътиборсиз қолдиргани учун келишув тўхтаб қолган. Лондон клуби футболчининг аллақачон "Ювентус" билан келишувга эришиб бўлгани ва ҳар қандай таклифни рад этишидан хавотирда.
Аввалроқ футболчи ўзининг жамоаси билан шартномани узайтиришдан бош тортганди. "Transfermarkt" 21 ёшли сербни 50 миллион еврога баҳоламоқда.
Жорий мавсумда футболчи А серияда 12та ўйинда майдонга тушиб, 8 гол урди ва 1та голли узатмани амалга оширди.
