"Chelsi" himoyachisi Andreas Kristensen klub bilan shartnomasini uzaytirish bilan bog‘liq vaziyat haqida gapirdi.
“Yangi shartnoma qachon bo‘ladi? Umid qilamanki, tez orada. Klub meni qadrlashini his qilyapman va bundan xursandman, lekin shartnoma borasidagi vaziyatni chuqur o‘rganib chiqish lozim. Men hali ham jamoadagi o‘z o‘rnimdan mamnunman va shartnoma masalalari haqida umuman o‘ylamasdan futboldan zavqlanmoqchiman”, - dedi Kristensen "Evening Standard" nashriga.
2021/22 yilgi mavsumda Kristensen “Chelsi” safida 13ta o‘yinda maydonga tushib, 1ta gol urgan. 25 yoshli daniyalikning London klubi bilan amaldagi shartnomasi 2022 yilning iyun oyi oxirigacha amal qiladi.
