Yarim himoyachi Pol Pogba, agar klubning eng ko‘p maosh oluvchi futbolchisiga aylansa, "Manchester Yunayted" bilan shartnomasini yangilashga tayyor, deya xabar berdi "L'Équipe" nashri.
Manbaning xabariga ko‘ra, Pogba "Manchester Yunayted"da hujumchi Krishtianu Ronaldudan ko‘proq - haftasiga taxminan 585 ming yevro maosh olmoqchi.
Qayd etilishicha, agar “Manchester Yunayted” va 28 yoshli fransiyalik futbolchi shartnomasini uzaytirmasa, futbolchi 2022 yilning 1 yanvaridan boshlab boshqa klublar bilan muzokara olib borishi mumkin bo‘ladi.
Joriy mavsumda Pogba "qizil iblislar" uchun 13 o‘yinda qatnashib, 7ta golli uzatmani amalga oshirdi.
